საოჯახო ტექნიკა

რა არის საყოფაცხოვრებო ტექნიკა?

საყოფაცხოვრებო ტექნიკის კატეგორია არის მრავალი სახის ელექტრო მოწყობილობები, რომლებიც გამოიყენება ჩვენს მიერ ყოველდღიურ პირობებში და გამიზნულია ძირითადი საყოფაცხოვრებო ამოცანების შესრულების გასამარტივებლად. მათი წყალობით ადამიანთა ყოფა არის ბევრად უფრო კომფორტული. ჩვენს ბაზარზე არსებობს ამ ტიპის მრავალი ტექნიკა, არის მოდელები, რომლებსაც შეუძლია შეასრულონ კონკრეტული დავალებები და არის მოდელები საკმაოდ ფართო ფუნქციების სპექტრით.

როგორი საყოფაცხოვრებო ტექნიკა არსებობს?

საყოფაცხოვრებო ტექნიკა პირობითად შეიძლება დაიყოს რამდენიმე ფართო კატეგორიად. თითოეულ მათგანს გააჩნია ინდივიდუალური მახასიათებლები და მოიცავს ყველა სახის მოწყობილობის უზარმაზარ სიას. ამ ტექნიკის კლასიფიკაცია არის შემდეგი:

• მსხვილი საყოფაცხოვრებო ტექნიკა. ამ კატეგორიის საყოფაცხოვრებო ტექნიკა ყველაზე პოპულარული და მოთხოვნადია მოსახლეობაში. ეს სეგმენტი წარმოდგენილია მაცივრებით, სარეცხი მანქანებით, გაზისა და ელექტრო ქურებით, ჭურჭლის სარეცხი მანქანებით, საყინულე კამერებით, ჭურჭლის ან ქსოვილის გასაშრობად შექმნილი ტექნიკით. ამ ტიპის, სახლის ელექტრო მოწყობილობებს, შეუძლიათ დაამკაყოფილონ ყველა ძირითადი საყოფაცხოვრებო საჭიროება.
• კლიმატური საყოფაცხოვრებო ტექნიკა. ეს კატეგორია აერთიანებს ელექტრო მოწყობილობებს, რომელთა დანიშნულებაა ჰაერისა და წყლის გათბობა, ან გაგრილება. ამ სეგმენტში შედის ქვაბები, წყლის გამაცხელებლები, გაზის და ელექტრო ქვაბები, ვენტილატორები, კონდიციონერები, თერმომეტრები, ჰაერის დამატენიანებელი ან გამშრობი მოწყობილობები და ა.შ.
• წვრილი საყოფაცხოვრებო ტექნიკა. ეს კატეგორია ითვლება ელექტრონიკის ყველაზე ფართო სეგმენტად, რომელიც აერთიანებს ყველანაირ ნივთებს სახლისთვის, სამზარეულოსთვის და პირადი გამოყენებისთვის. ამ ტიპის ტექნიკა მოიცავს კულინარულ ხელსაწყოებს, მაგალითად, ბლენდერებს, მიქსერებს, პურის საცხობ აპარატებს, მრავალფუნქციურ ქვაბებს,  სამზარეულოს კომბაინებს და სასმელების მოსამზადებელ ტექნიკას: ყავის მადუღარას, ყავის აპარატებს, ელექტრო ჩაიდნებს. ეს კატეგორია მოიცავს პირადი მოხმარების ელექტრო მოწყობილობებს, როგორებიცაა: თმის საჭრელი აპარატები, ფენი, თმისა და წვერის ტრიმერები, ელექტრო საპარსები. ასევე, ამ სეგმენტში მოიაზრება ისეთი საყოფაცხოვრებო ტექნიკაც, როგორებიცაა: უთოები, მტვერსასრუტები, ორთქლის გამწმენდები.
• ჩასაშენებელი ტექნიკა. ეს კლასი მოიცავს მოწყობილობებს, რომლებიც შექმნილია სამზარეულოს კედლების, კარადების და მსგავსი სახლის ინტერიერის კონსტრუქციების შესავსებად. მასში შედის გამწოვები და ქურები. გარდა ამისა, ზოგიერთი მწარმოებელი აწარმოებს მაცივრებს და მიკროტალღურ ღუმელებს, რომლებიც, მათი ფუნქციური მახასიათებლებისა და თავისებურებებიდან გამომდინარე, ასევე მიეკუთვნება ამ სეგმენტს.

როგორ ავირჩიოთ საყოფაცხოვრებო ტექნიკა

საყოფაცხოვრებო ტექნიკის არჩევის პროცესი მაქსიმალურ პასუხისმგებლობას მოითხოვს. უპირველეს ყოვლისა, თქვენ მკაფიოდ უნდა განსაზღვროთ თქვენი მოთხოვნები. ასე, თქვენ შეძლებთ აირჩიოთ საუკეთესო მოდელები, რომლებიც დააკმაყოფილებენ თქვენს მოლოდინებს. რაც შეეხება მწარმოებლებს,  ყურადღება უნდა მიაქციოთ ბრენდებს, რომლებმაც კარგი რეპუტაცია მოიხვეჭეს მომხმარებელთა შორის. მნიშვნელოვანია ყურადღებით შეისწავლოთ შერჩეული პროდუქტის ყველა მახასიათებელი. უნდა გაეცნოთ მის ტექნიკურ სპეციფიკაციებს. აუცილებელია იცოდეთ, რამდენად შეეფერება კონკრეტული ტექნიკური მოწყობილობის ფუნქციებისა და ვარიანტების ძირითადი ნაკრები თქვენს საჭიროებებს. 

არ უნდა დაივიწყოთ ასევე თქვენს მიერ შერჩეული საყოფაცხოვრებო ტექნიკის ზომებიც. შეზღუდული ფართობის სამზარეულოს არ მოუხდება დიდი გამწოვი ან ქურა. ასეთ სიტუაციებში, ღირს ყურადღება მიაქციოთ კომპაქტურ ელექტროტექნიკას და, შეძლებისდაგვარად, ჩასაშენებელ მოდელებს. სახლის ან ბინის უფრო ელეგანტური დიზაინისთვის საუკეთესოდ გამოდგება იმავე ფერის გრადაციებში გადაწყვეტილი ელექტროტექნიკა. ისე, რომ შეიქმნას სრულიად ინტერიერის ერთიანი კომპოზიცია - ელეგანტური და გააზრებული უწვრილმანეს დეტალებამდე. საჭიროების შემთხვევაში, დახმარებისთვის შეგიძლიათ მიმართოთ მაღაზიის კონსულტანტებს, რომლებიც გირჩევენ საუკეთესო ვარიანტს თქვენს მიერ შერჩეული რამდენიმე მოდელიდან.