როგორი სარეცხი მანქანები არსებობს?
დიდი ხანია სარეცხი მანქანა მტკიცედ დამკვიდრდა და გახდა ჩვენი შეუცვლელი დამხმარე ყოველდღიურ ცხოვრებაში. მსოფლიო ბაზარზე გვხვდება უამრავი სხვადასხვა მოდელი. მათ მრავალფეროვნებაში გარკვევა არის საკმაოდ რთული. თუმცა, მისი დეტალური კლასიფიკაცია აიოლებს ამ საქმეს. კლასიფიკაციის თანახმად, გვხვდება შემდეგი ძირითადი ტიპის მოდელები:
- ვიწრო 32-45 სმ. ეს ტექნიკა ხასიათდება ყველაზე კომპაქტური ზომებით. როგორც წესი, მას იძენენ მცირე ფართობის აბაზანებისთვის. ვიწრო სარეცხი მანქანები არ იკავებენ დიდ ადგილს, მათ აქვთ ოპციების სრული სპექტრი და ფუნქციონირებენ ყველა ძირითად რეჟიმში;
- სრული ზომის 52-60 სმ. არის ტრადიციული ფორმატის კლასიკური სარეცხი მანქანები. მათ გააჩნიათ ასეთი მოწყობილობებისთვის დამახასიათებელი სტანდარტული ზომები. თითოეული ინდივიდუალური მოდელის მახასიათებლებიდან გამომდინარე, მათ გააჩნიათ გარკვეული პარამეტრები და ტექნიკური მახასიათებლები. პოპულარული მწარმოებლები ამ ტექნიკას წარმოგვიდგენენ მრავალფეროვან დიზაინსა და ფერში, ამიტომ ისეთი მანქანის არჩევა, რომელიც შეესაბამება ინტერიერის დიზაინს, სულაც არ არის რთული;
- ვერტიკალური ჩატვირთვით. საყოფაცხოვრებო ტექნიკის ზედა პანელზე არის სარეცხის ჩასატვირთი თავსახური. ფრონტალური ჩატვირთვის მოდელებისგან განსხვავებით, ისინი მაქსიმალურად ერგონომიულია და აქვთ მცირე ზომები. ხშირად, მწარმოებლები ასეთ მოდელებზე აყენებენ ოპციებისა და რეჟიმების კლასიკურ კომპლექტს;
- საშრობით. ამ ტიპის სარეცხი მანქანები ითვლება მრავალფუნქციურ ტექნიკად, რომლებსაც კონსტრუქციულად გააჩნიათ დამატებითი გამაცხელებელი ელემენტი. ეს მანქანები საშუალებას იძლევა გააშროთ სარეცხი გარეცხვისთანავე. ასეთი მოდელები დაგიზოგავთ ცალკე საშრობის შეძენის ფულს;
- ნახევრად ავტომატური. ეს მოდელები იპყრობს მყიდველთა ყურადღებას დაბალი ფასებითა და მუშაობის შედარებითი ავტონომიურობით. მათ არ სჭირდებათ წყალგაყვანილობის სისტემასთან სრული კავშირი, რასაც საჭიროებს ავტომატურ სისტემაზე მომუშავე აბსოლუტურად ყველა სარეცხი მანქანა. მათ დიზაინში ჩაშენებულია წყლის ავზი, სწორედ ის ერთვება რეცხვის პროცესში;
- კომპაქტური. ამ მოდელების მთავარი უპირატესობა არის მათი მცირე ზომა. ასეთი სარეცხი მანქანა დაეტევა უმცირესი ფართობის აბაზანაშიც კი;
- პროფესიონალური. მათ გააჩნიათ დიდი სიმძლავრე, რაც საშუალებას აძლევთ გაუმკლავდნენ რეცხვის დიდ დატვირთვებს. იდეალურია მძიმე და ინტენსიური გამოყენებისთვის. ჩვეულებრივ, ასეთ მოდელებს იძენენ პროფესიონალური სამრეცხაოები, რომლებსაც უწევთ ხანგრძლივი დატვირთვების რეჟიმში მუშაობა;
- ჩასაშენებელი ჩვეულებრივ, ასეთ სარეცხ მანქანას ამონტაჟებენ აბაზანის ავეჯში. ის არ იკავებს დამატებით ადგილს და ხელს უწყობს პატარა სააბაზანოებში სივრცის ოპტიმიზაციას. ხელმისაწვდომია სხვადასხვა დიზაინითა და ფუნქციონალით.
როგორ ავირჩიოთ სარეცხი მანქანა
სარეცხი მანქანის არჩევამდე, სასურველია ჩამოყალიბდეთ, თუ რა მოთხოვნებს უნდა აკმაყოფილებდეს ის. არაინტენსიური გამოყენებისთვის, გამოდგება მარტივი მოდელები ფუნქციებისა და რეცხვის რეჟიმების სტანდარტული ნაკრებით. დიდი ოჯახისთვის, უპრიანი შეიძინოთ მძლავრი და დიდი ტევადობის ტექნიკა.
ასევე უნდა გაერკვეთ სასურველი ფუნქციებისა და ვარიანტებშიც. მაგალითად, პირდაპირი მოქმედების ამძრავი ელექტრო მოწყობილობები მუშაობს თითქმის უხმაუროდ, რაც არ შეიძლება ითქვას მოწყობილობებზე, რომლებსაც არ გაააჩნიათ ეს ფუნქცია. ზოგ მოდელში არის სარეცხის გაშრობის ოპცია, ზოგში - არა. ამიტომ, თქვენ უნდა გადაწყვიტოთ, გჭირდებათ თუ არა ასეთი ფუნქციური რეჟიმი.
ხშირად, სარეცხი მანქანის არჩევისას, პოტენციური მყიდველები ხელმძღვანელობენ მომხმარებელთა კომენტარებით და იმ ადამიანების მოსაზრებებით, რომლებმაც უკვე შეიძინეს შერჩეული ტექნიკა. გარდა ამისა, თუ თქვენ გაქვთ დამატებითი შეკითხვები, ყოველთვის შეგიძლიათ მიმართოთ კონსულტაციისათვის ჩვენს კვლაიფიციურ კონსულტანტებს.