სამზარეულოს სასწორი

ყველა სახლში სამზარეულოს სასწორი განსაკუთრებულ როლს ასრულებს. მას იყენებენ ნებისმიერი ნაყარი ინგრედიენტის, ან პროდუქტის ზუსტი წონის გასაგებად. დღეს ყველა დიასახლისი იყენებს სახლში სამზარეულოს სასწორს. ის  განსაკუთრებით საჭიროა ახალი კერძების მომზადებისას. მსგავსი ასაწონი საშუალება შეიძლება გამოყენებულ იქნას არა მხოლოდ კულინარიული მიზნებისთვის, არამედ, ასევე სამკაულების, მედიკამენტების, მცირე აქსესუარების, საქსოვი მასალების და ა.შ. ასაწონადაც.

სამზარეულოს სასწორების კლასიფიკაცია

არსებობს ორი ძირითადი ტიპის საზომი ხელსაწყო:

• მექანიკური. ასეთი ხელსაწყო აღჭურვილია ისრით, რომელიც, მასზე მოთავსებული ნივთის წონის მიხედვით იცვლის პოზიციას და უჩვენებს გარკვეულ რიცხვს ციფერბლატზე. ეს არის უმარტივესი ტიპის სასწორი და ასევე, ყველაზე იაფფასიანი. მას არ საჭიროებს ელემენტებს, ან აკუმულატორს. ასეთ სასწორებს გააჩნიათ რამდენიმე ათეული გრამის ცდომილება. ისინი მნიშვნელოვნად ჩამორჩებიან ფუნქციების რაოდენობით სასწორების შემდეგ ტიპს, მაგრამ მექანიკური სასწორები კვლავაც რჩება პოპულარული და აქტუალური დიასახლისებში;
• ელექტრული. აწონვის შედეგი გამოისახება დისპლეიზე. ისინი ბევრად უკეთესია წინა ტიპის სასწორებთან შედარებით და მათი უპირატესობები არის აშკარა. ელექტრული სასწორები აღჭურვილია თხევად კრისტალური დისპლეით და მინი კომპიუტერით, რომელიც საშუალებას მოგცემთ სწრაფად განსაზღვროთ წონა, შეადაროთ მონაცემები და სხვა. ასეთი სასწორის სიზუსტე არის იდეალური. მათი მთავარი უპირატესობა მექანიკურ სასწორებთან შედარებით არის ავტომატური გათიშვა და მსუბუქი მოძრაობით ჩართვა, ტარის წონის გამოკლება, თანმიმდევრული აწონვა. შესაძლებელია პროდუქტების აწონვა არა მარტო კილოგრამებში და გრამებში, არამედ წონის სხვა განზომილებებშიც. თუმცა, უნდა გახსოვდეთ, რომ ასეთ მოწყობილობებს განსაკუთრებული მოვლა სჭირდება. მოწყობილობის უწყვეტი ხმარებისთვის აუცილებელია ელემენტების ან აკუმულატორის დონეზე თვალის დევნება.

მოწყობილობები ასევე შეიძლება დაიყოს კონსტრუქციული ტიპების მიხედვითაც. არსებობს, როგორც ჯამიანი, ასევე ბრტყელი პლატფორმიანი სასწორები. ჯამიანი სასწორი ბევრად უფრო მოსახერხებელია, ვინაიდან ის უფრო პროფესიონალურად გამოიყურება. მისი საშუალებით შესაძლებელია ფხვიერი მყარი პროდუქტების და სითხეების აწონვა. მომხმარებლების მოხერხებულობისთვის, ჯამი შეიძლება მოიხსნას ზედაპირიდან და შემდეგ კვლავ ჩაიდგას მასში. მოსახსნელი ნაწილი აადვილებს სასწორის წმენდას და შენახვას. განთავსების ტიპის მიხედვით განასხვავებენ კედელზე დასაკიდ და მაგიდაზე დასადგმელ სასწორებს. მწარმოებლები გვთავაზობენ სხვადასხვა მასალისგან - პლასტმასისგან, ლითონისგან, მინისგან, ხისგან დამზადებულ მოდელებს. სასწორის მასალა შეირჩევა ინდივიდუალურად და მაქსიმალური დატვირთვის შესაბამისად. თუ ლითონის სამზარეულოს სასწორებზე შეგიძლიათ მოათავსოთ  20-30 კგ-მდე წონა, მინის სასწორები შესაფერისია უფრო მცირე წონიანი ტვირთების ასაწონად.

რჩევები სამზარეულოს სასწორის შერჩევასთან დაკავშირებით

ასაწონ მოწყობილობებს გააჩნიათ ბევრი დადებითი და უარყოფითი მხარე. ნებისმიერი კომპანია, Saturn, Scarlett, Polaris და ა.შ. მომხმარებელს სთავაზობს პროდუქციის უზარმაზარ არჩევანს. სწორი სამზარეულოს სასწორის შესაძენად, საჭიროა გაერკვეთ, თუ როგორ აირჩიოთ თქვენთვის სასურველი მოდელი. ამისათვის რეკომენდებულია დააზუსტოთ მისი დანაყოფის ფასი, საზომი ერთეულები, მახსოვრობის ტევადობა, ავტომატური გათიშვის ფუნქციის არსებობა, თუ სასწორი იქნება ელექტრული, დატვირთვის ინდიკატორის არსებობა, კალორიების დათვლის შესაძლებლობა.

იმისათვის, რომ ტექნიკამ გემსახუროთ ხანგრძლივი დროის განმავლობაში, რეკომენდებულია შეარჩიოთ მაღალი ხარისხის პროდუქტი. მოწყობილობის კორპუსი უნდა ფარავდეს მთელ მზომ მექანიზმს. თუ სასწორის კორპუსი იქნება მეტალის, ასეთი ტექნიკა მოგემსახურებათ ათწლეულების განმავლობაში. პლასტმასის ნაწილებისგან დამზადებული პროდუქტები ოდნავ იაფი, მაგრამ მათი მსახურის ვადა არის ბევრად ნაკლები.

შერჩევისას, ასევე უნდა დააკვირდეთ ღილაკებს. კარგი იქნება, თუ ღილაკები იქნება რეზინის და უფრო უკეთესია, რომ მთელი მართვის პანელი იყოს დაფარული რეზინის საფარით. ეს ხელს შეუშლის სასწორში წყლის, მტვრის და საკვების ნარჩენების შეღწევას.

ელექტრულ მოდელებში უნდა გაითვალისწინოთ სასწორის კვების ტიპი - ელემენტებზე მუშაობს, თუ აკუმლატორიდან იკვებება. ეს პარამეტრი არ ახდენს გავლენას აწონვის ხარისხზე, მაგრამ მიუთითებს სასწორის ხანგამძნლეობაზე. როდესაც ელემენტები სუსტია, შეგიძლიათ მარტივად შეცვალოთ ისინი, ან მიაერთოთ მოწყობილობა დასატენად ელექტროქსელს,.

სასწორის მოდელის შერჩევისას, შეგიძლიათ დაეყრდნოთ იმ პირთა მიმოხილვებს, რომლებმაც ადრე შეიძინეს ამ ტიპის ტექნიკა. ისინი უფრო დეტალურად აგიხსნიან სამზარეულოს სასწორის სხვადასხვა მოდელის ყველა დადებითი და უარყოფითი მხარეების შესახებ. ასევე სასურველია ყურადღება გაამახვილოთ მთელი მოწყობილობის შენახვის შესაძლებლობაზეც. მწარმოებლები გულდასმით ეპყრობიან ამ საკითხს, რადგან სასწორის შენახვისას მისი ჯამი, ან ბრტყელი პლატფორმა არ უნდა გატყდეს, მასზე არ უნდა დაიდოს ზედმეტი წონა, რათა არ დაზიანდეს მექანიზმი. ზოგი მოდელი იკეცება თავად ჯამში, ზოგს კი, აქვს სპეციალური კონტეინერი, ნაწილების უსაფრთხოდ შესანახად.